【大學星座】邊個最啱同組做project？獅子、白羊定係人馬座？ - 香港01

一開學就一大堆project要做，識搵緊係要搵能力強又主動的partner，如果唔係，隨時夾住個free rider咁就喊都無謂。在芸芸同學當中，邊個先適合呢？如果你仲未搵到合適partner，佢地的星座可能會俾到啟示你。

過期大學生曾經的大學生，80後老鬼，身老心不老，自問玩盡大學3年，勁爆回憶同美好經歷，足以講足30年。

獅子座：
係人都知獅子座鍾意做大佬話晒事，在project俾佢做leader，帶住幾個同學一齊傾，有方向又有主見，成份project完工都快些。尤其獅子座同學會幫你分配埋工作，分工清清楚楚，唔洗為無謂事情去拗。不過，獅子座同學最大缺點，就是無乜耐性，同埋太喜歡指揮別人。同佢part時，記得多多忍讓以及做和事佬。
白羊座：
同白羊座part住做project，最大好處就係佢地夠積極，而且有許多新點子，份功的創意分都大增。佢地想到就會即刻去做，雖然有時候傾傾下會發脾氣，又嫌同學嘮叨，但整體來說，要份project做得與別不同，白羊座同學仔會係你不二之選。記得留心幫手執漏，因為白羊座同學做事比較粗心大意，睇多次先好拿出來present。
人馬座：
要做project，雖然有好多星座都比人馬座好，但如果有人馬座同學仔一起做功課，工作效率一定會提高好多。佢可以連續幾日不眠不休咁去認真去做project，而且不管遇到乜困難，佢都會用盡全力去克服。唯一最大問題，係佢唔多懂人情世故，容易和同組同學仔有爭拗。
天蠍座：
一組人之中，如果有天蠍座的同學仔幫手，成件事都會順好多。因為佢地思慮周密又體貼，做project有責任感，所以很幫得手。不過佢地比較有主見，傾野時如果得罪佢，佢地表面會大方接受你的意見，但背地裡就好唔爽。而且固執起來的，天蠍座都幾麻煩。
處女座：
提起處女座，大家都知佢地係完美主義者，樣樣追求完美，一絲不苟。處女座同學會幫手將project做到有條不紊，靠得住又穩陣，頭腦清晰會令成份project更臻完美。但最大問題就是佢地會批評同組人的缺點，並要求大家都好似佢咁完美。這種吹毛求疵的性格，唔係人人頂得順。
金牛座：
星座決定性格，金牛座就如牛一般的頑固，不易作出妥協。雖然金牛座慣了一意孤行，但其實佢地做事有計劃、有規律，是相當值得信賴的隊友。加上佢地耐性十足，邏輯思考強，判斷力又好，有佢做project就自然快好多。如果你擔心金牛座同學唔識點去分配工作，最好就搭多個獅子座同學做leader，咁就perfect。
雙子座：
雙子座的多才多藝，機智多變，會為全組帶來活潑的氣氛。加上佢地善於交際應酬，合作起來自然一拍即合。可惜有時候佢地過於神經質，話題轉換得太快，唔係人人跟得上，又經常打岔別人的發言。最大最大問題，係佢地經常唔守時，影響到全組的工作情緒。
水瓶座：
極具個人風格的水瓶座，是公認不聽從規則的怪人。同佢地一齊做project，就可能要有心理準備，要時時提佢大家合作緊做project，唔好隨意發揮亂來。幸好是水瓶座很樂於助人，互相幫助令小組氣氛和諧。另外，多管閒事就是水瓶座的大問題，同埋佢地的想法過於理想未必可行。
天秤座：
事事講求公正不阿，係天秤座給人的印象。不過千祈唔好要求天秤座partner去決定事情，因為佢地優柔寡斷，做事經常猶豫不決，又容易受別人影響。如果想project順利的話，就唔好俾天秤座做決策者，決定好晒要佢執行就ok。
雙魚座：
找雙魚座的partner，就要接受佢地比較情緒化又多愁善感。但由於佢地溫和有禮，又善解人意，合作起來不會有分歧意見。加上佢地有良好的觀察力，領悟力，容易找到中不足的地方，令整個project更加完美。
山羊座：
做事腳踏實地、注重利益和實際效果、比較現實，都是山羊座的性格。在做project時，有山羊座同學仔，要準時完成絕沒問題。因為佢地重視原則，唔會浪費時間在沒有實際利益的地方。但斤斤計較和不擅於溝通的山羊座，容易和小組中其他組員產生磨擦，令整個小組氣氛變得僵硬。
巨蟹座：
記憶力強和腦筋敏銳，加上適應力強是巨蟹座的特質。在小組中，巨蟹座同學往往憑藉其超強的記憶力，把課堂上一般人已遺忘的資訊提出，有助project順利推展。不過，好多時巨蟹座都是free rider，俾了些意見後就消失，好麻煩。
唔知大家睇完各星座的特質後，有冇共鳴？定係你有其他體會，歡迎留言暢談你的體會。
你都想成為開筆一份子，稿件可電郵至opener@hk01.com；文章純屬作者意見，不代表開罐立場。